Velkomin á síðu Jóhönnu Hauksd

Frábær helgi að baki, Franskir dagar voru flottir, veðrið var alveg magnað og fullt af fólki í bænum, mikið fjör og mikið grín. Við Jónína vinkona erum að dæla myndum smátt og smátt inn á Fáskrúðsfjarðarsíðuna og vonumst við til að þið sjáið ykkur fært að kíkja og hafa gaman af.

Það var frekar rólegt í okkar koti þessa helgi, Örvar Ingi kom ekki austur enda nýbúinn að koma tvisvar til okkar, Pétur Haukur og Tinna komu þessa helgi og fóru í dag....svo bara við heimilisfólkið.

Ég og Pétur tókum þátt í Fáskrúðsfjarðarhlaupinu, Pétur var í öðru sæti en ég í því síðasta....var sátt við að komast þessa 19,3 km en mér fannst þetta mun erfiðara en á síðasta ári enda ári eldri :-) og kannski ekki andlega heil til að fara. Ég fór líka morguninn eftir í minningarhlaupið um Berg Hallgrímsson og átti þar flottan tíma.....ekkert mál.

Hafið það sem best og njótið lífsins.

Nú er 20. júní runninn upp einu sinni enn og alltaf minnist ég hans með sorg, gráti, söknuði, gleði, hlátri og alls konar tilfinningarugli. Í dag eru 19 ár síðan Ísak Fannar dó og eitt ár síðan ég útskrifaðist úr Kennó, mjög eftirminnilegur dagur.
Blessuð sé minning hans.